Trag Tedun Mesanggah

SEKEHA DADIA PASEK GELGEL DANGIN PURA

Lingkungan Sangket, Kel./Kec. Sukasada

Nomor  : 14/Dadia/DP/XII/2003

Lampiran  :  -

Indik  : Galah Tedun Mesanggah (trag)

       Rauh ring………………………..

       krama dadia Pasek Gelgel Dangin Pura

       Sangket

      

       Om swasti astu

Krama sane banget wangiang titiang,  antuk surat puniki titiang wantah ngemargiang awig-awig semeton dadia Pasek Gelgel, inggih punika paindikan tedun mesanggah utawi dados krama negak ring sanggah. Ring sampune ngelintangin siki piodalan, sang sane wahu ngemarginin pemargi grahasta (merabian) sampun kepatutang tedun mesanggah tur ngemiletan kewajiban dados krama negak sekadi dudonan ring sor puniki :

1.     Naur tegak mesanggah Rp. 10.000,-

2.     Keni piodalan (banten) ring tempekan soang-soang, indik puniki mangda mesadok ring pengurus dadia.

3.     Naur iuran Rp. 1.000,-  ring piodalan soang-soang (6 bulan apisan) tur sekadi hasil paruman Pagerwesi, Rabu 5 Nopember 2003 krama kekenin dana pembangunan Rp. 10.000,- (6 bulan apisan)

4.     Mangda sareng ngutsahayang kemajuan krama dadia sekadi Prahyangan, wewangunan, pawongan (suka-duka) miwah sane siosan.

5.     Ring rainan Pagerwesi dadia ngemargiang paruman, seusan maturan.

Inggih wantah asapunika titiang ngerauhang, mangda sregep tur sami molihang kerahajengan, titiang ngaturang suksma banget. Om santih santih santih om.

Sangket, 10 Desember 2003

Kelian Dadia,

Gede Sandiasa