Pikolih Paruman Krama warsa 2002-2004

PARUMAN KRAMA DADIA MAHA GOTRA PASEK SANAK SAPTA RSI

Lingkungan Sangket, Dangin Pura Desa

Penanggal 21 Januari 2002 rapat/paruman alit ngeninin susunan pengurus maka lanturan paruman alit rahina Redite, 20 Januari 2002. Ring paruman puniki kaputusan indik susunan pengurus, pendataan krama kepalih antuk:

a.      a. Gede Sukerta (Kaje Kangin) b.     Gede Mangku (Lumbanan) c.      Wayan Artana (Bantenan Bedaje) d.     Gede Marga (Bantenan Bedelod) e.      Putu Mangku (Alas Panji)

f.      Gd Pasek Parwata (A.Ambengan) g.     Kt Pasek Nadi (Sangket K. Kauh) h.     Nym Suarjana (Sangket Bedangin) i.       Gede Suparma (Sangket Tengah)

Rencana Kerja Pengurus: Jangka panjang lan jangka pendek :

1.       Mecikang indik administrasi (kwitansi, surat undangan, Model KK, struktur pengurus); buku-buku (hasil paruman, buku kas, cacakan krama/dedosan, buku kekenan).

2.       Pengukuhan pengurus tanggal 22 Januari 2002 (ring odalan Buda Wage Kelawu)

3.       Rencana pewangunan/kerja:

a.       Sosialisasi awig-awig dan nyusun aturan pelaksana

b.       Ngewangun Gedung Simpen

c.       Numbas akrekat (loudspeaker)

d.       Nyabran Galungan/Kuningan kawentengan ceramah indik makna rerainan, indik sulinggih, polah-palih agama Hindu.

e.       Ngewangun malih pesuka-dukaan

f.         Mecikang pelinggih

g.       Penyemenan pelataran

                Paruman kaping siki, Ring raina:  Buda Kliwon Sinta (Pagerwesi), tanggal 13 Pebruari 2002 masehi, galah:  10.00 -12.30 Wita , genah  ring   Bale Gong Sanggah Jajaran presida mutusang pebaos sekadi ring sor:

A. Indik sosialisasi awig-awig sampun presida katerima ring krama dadia.

B. Taler kekaryanang indik pemargin awig-awig sekadi:

1.       Indik krama kepalih antuk kalih  pawos, inggih punika krama negak (krama sane magenah/ngerereh pangupa jiwa  ring sawewidangan Kabupaten Buleleng).  Krama sane luar Buleleng niki kedadosang krama mirak. Krama negak kakeniang  iuran wajib Rp. 1000 (seribu rupiah), Krama Mirak naur pemirak Rp. 10.000 (sepuluh ribu rupiah). Indik pengambilan iuran kalaksanayang ring piodalan pura soang-soang olih Kelian Tempekan enem bulan sepisan, penauran pemirak kelaksanayang ring paruman krama nuju Buda Kliwon Sinta (hari Raya Pagerwesi).   Yen wenten krama nenten naur ngantos telung piodalan patut iuran ipun katikelang, prade ngantos piodalan kaping empat nenten ketawur krama punika patut kanorayang mekrama, sekantum kewajiban ipune kari ten kelaksanayang.   

2.       Uger-uger tedun mekrama sekadi awig-awig palet 1, pawos 7.  Sesampun jangkep 42 hari (abulan pitung dina) saking upacara pawiwahan, krama punika sumangdennya kedaftar dados krama, tur naur tegak Rp. 10.000 (sepuluh ribu rupiah). 

3.       Indik Piodalan, kelaksayang sekadi sane sampun lewat (awig-awig pawos 19) tur kelaksanayang olih tempekan soang-soang, nanging tan kengin olih krama wenten wicara riantukan peayah-ayahan, banten sane keanggen kasengguhang lengkap, yen wenten krama sane tan presida ngemedalang kekenan patut mapiuning ring   Kelian Tempekan, tur banten ipune patut kagentosin antuk krama lianan, indik puniki kaenter antuk Kelian Tempekan soang-soang.  Ritatkala piodalan patut krama ngelaksanayang menek ambu tur ngiasin, puniki kelaksanayang olih sang sane tugas pembersihan (ring P.Kawitan Bapak Nyoman Negara, Made Widiasa, ring Sanggah Jajaran Nyoman Budiasa, ring Paibon/Dewa Ayu Gede Astawa) lan tempekan prahyangan soang-soang, kewantu olih teruna-pesaren.   Piodalan kekawitan jam 20.00 wita sewusan odalan, tempekan sane ngelaksanyang piodaln  patut makemit, yen wenten tan makemit patut ipun kekeninin dedosan Rp. 2000 (dua ribu rupiah).  Indik rangkaian piodalan niki sami kaenter olih Kelian Tempekan.

4.       Indik Kasukerta (Kesucian/ketertiban) Parhyangan; indik puniki tan kalugra ngeranjing ring pura yan wenten krama sekadi  (awig-awig pawos 23) ring sor:

Tan kalugra ngeranjing ke pura:

a.       Anak ngeraja swala (kotor kain) selami durung mebersih.

b.       Madue putra alit jantos 3 bulan.

c.       Pengantene sedurung mebiakala

d.       Sato Agung sejabaning mapepada, lian ring punika patut kecarunin manut kawi gunan/kaletehin.

e.       Mabusana tan manut kadi tata caraning ngeranjing ke Pura.

f.         Makta barang sinanggeh ngeletehin

g.       Jatma lian agama,  sajabaning duta saking guru wisesa.

Sadurung polih uak-uakan saking prajuru.

Sang sapesira ten anut ring awig punika wenang kekeninin dande
Rp. 10.000,- ngantos Rp. 50.000, manut ring kasisipan, tur patut mekarya banten pebersihan  (prascita) ring prahyangan sane kaletehin,  yan prade wenten sato ngerusak  prahyangan patut sang medue sato punika ngaryanang napi sane karusak, tur mekarya upacara sepatutnya

5.       Indik uger-uger pawiwahan mangda anut ring Awig-awig pawos 27, tur sang matemu makurenan patut kedaftar/mepamit  (mapiuning) ring sanggah merajan.  Kekenan ipune inggih punika : sane  ngambil rabi patut naur tegak sanggah 10.000, sekadi ring  (5), istri/teruni sane keambil ring siosan sanggah patut naur penanjung batu Rp. 20.000,-

6.       Indik dedosan/dedandan krama ritatkala ngewentenang karya (gotong royong) akeh ipun Rp. 1000,- nenten rauh ring paruman  dandan ipun Rp. 2000,-

7.       Indik Persetujuan pewangunan sane pacang kelaksanayang  sekadi dodunan ring sor:

a.         Penumbasan Lospeaker, program pengurus sane dumun, krama naur peturunan Rp. 5000,-  (sane durung mangde naur ring Kelian Tempekan Soang-Soang)

b.         Numbas tur mekarya papan pengumuman

c.         Lawangan Pelinggih sane sampun rusak, utamanya ring Pura Kawitan

d.         Penyimpenan Artha/Duen Krama

        (indik b & c  prabeya saking ngelaksanayang peturunan lan punia krama , akeh nyane  jaga kebligbagang olih pengurus sareng sang sane uning ngelaksanayang pewangunan.

8.       Indik pelaba pura sesari, beras miwah sane lianan  kepah telu (ngeranjing ring kas 1, pengurus 1, lan pemangku 1) sesari nuur tirta kengin kepolihan ring pemangku kanggen ngukuhang pelaksanaan upacara ring prahyangan soang-soang. Indik punika kengin taler pemutus pengurus manut pelaba sane kepolihang.

9.       Paruman agung (krama dadia sami) kelaksanayang ring rahina Rebo Sinta nuju Pagerwesi seusan persembahyangan; paruman alit (tempekan) dados kemargiang ring piodalan soang-soang.

10.   Indik ngewangun suka-duka, kesuserahang mangda kewilangin tur kebentuk ring soang-soang tempekan.

                Kaping kalih, ring raina:  Buda Kliwon Sinta (Pagerwesi), tanggal 11 September 2002 masehi, galah:  10.00 -12.30 Wita , genah  ring   Bale Gong Sanggah Jajaran presida mutusang pebaos sekadi ring sor:

1.       Ngewangun genah penyimpenan, krama pemirak dan krama negak keni peturunan Rp. 40.000,- (dados ke angsur saking mangkin rauh ngantos Pagerwesi sane pacang rauh utawi ring paruman sane pacang rauh), tur pewangunane wau kelaksanayang ring wusan paruman sane pacang rauh utawi jinahe sampun makumpul.

2.       indik krama sane magenah ring luar Bali keni penanjung batu ri tat kala ngewangun upacara, akeh nyane Rp. 50.000,-

3.       Nyabran ngawentenang piodalan, pengurus kepatutang ngelarang dana punia mangda kramane ngewentenang amatra marupa dana punia sesidan kramane soang-soang

4.       Pemargin bhaktin ring Idha Sang Hyang Widi mangda sayan ajeg, pengurus kengin ngewangun pengurus teruna-teruni.

Inggih punika maka pamutus paruman, dumugi kramane sami nemu bagia tur kertaraharja. Maka pengelantur putusan punika pengurus ngewangun Pengurus Sekeha Teruna-teruni sekadi ring sor:

BERITA ACARA

                Pada Hari Rabu, 20 Nopember 2002, (Buda Kliwon Wuku Dungulan) jam 08.00 wita telah dilaksanakan pemilihan dan pembentukan Pengurus Sekaha Teruna-Teruni Dadia Kulawarga Pasek Gelgel masa bakti 2002-2007, terpilih sebagai pengurus sbb:

1. Kelian                                               : Nyoman Rawes                      

2. Wakil Kelian                                    : Gede Ardana

3. Sekretaris                                        : Made Suadnyana

4. Bendahara                                      : Made Mertanadi

5. Perwakilan                                      :

n  Dusun Bantenan                : Gede Mara                              

n  Wilayah Sangket                : Kadek Mujana

n  Desa Wanagiri                    : Nyoman Raina

                Sebelum Pengurus bersangkutan melaksanakan tugas, maka dilaksanakan upacara pelantikan pada hari Senin,  25 Nopember 2002. Demikianlah agar dapat dipergunakan sebagaimana mestinya.

Paruman kaping tiga, Buda Kliwon Sinta (Pagerwesi), tanggal 9 April 2003 masehi, galah:  10.00 -12.30 Wita, genah  ring   Bale Gong Sanggah Jajaran presida mutusang pebaos sekadi ring sor:

1.       Ngeninin indik laporan keuangan sampun kecumponin olih krama sami

2.       Indik Pelaksanaan Pewangunan Gedong Simpen: nyusun jadwal gotong royong, ngerereh dewasa, luas wangunan 4x5 m medaging 1 ruang lan wenten pelataran (ampik); dedosan ngayah Rp. 2500.

3.       Ngewilangin rumah Gede Sutama Panji jage kebecikang seusan panen, tur pemedal kewaliang sekadi jatimula.

4.       Krama sane wau pengantenan, kengin 6 bulan (saking pengantenan) ten negak sanggah tur lepas saking kewajiban mekrama.

5.       Ngeninin pecaruan Tilem ke dasa ring Paibon lan Dewa Ayu ngangge siap brumbun tur tempekan kekenin peturunan Rp. 2000,-

6.       Indik kendala ring piodalan di Siwa nenten wenten teruna-teruni sane sareng ngiasin tur masang luhur

7.       Indik piodalan di Sanggah (Buda Wage Kelawu) lan di Paibon/Dewa ayu make tanggungjawab tukang bersih indik pemasangan lan mekarya penjor.

8.       Indik ngiasin kemargiang jam 15.00 wita nyabran piodalan, mangda para kelian tempek nuntun teruna-teruni lan krama sane polih ngodalin mangde ngelaksanayang ngiasin.

Paruman Kaping Empat, Buda Kliwon Sinta (Pagerwesi), tanggal 5 Nopember 2003 masehi, galah:  10.00 -12.30 Wita, genah  ring   Bale Gong Sanggah Jajaran presida mutusang pebaos indik laporan keuangan pelaksanaan pembangunan lan melaspas ngeninin kekirangan saking polihan peturunan Rp. 574500,- tur sampun ketalangin antuk dana kas, laporan jinah kas taler sampun katerima saking paruman puniki. Make wicara kaping kalih indik pelaksanaan peturunan pembangunan kacumponin Rp. 10.000,- nyabran nem sasih tur ketaur pinih ungkur ring paruman Pagerwesi sane pacang rauh.

Paruman Kaping Lima, Buda Kliwon Sinta (Pagerwesi), tanggal 2 Juni 2004 masehi, galah:  10.00 -12.30 Wita, genah  ring   Bale Gong Sanggah Jajaran presida mutusang pebaos sekadi ring sor:

1.       Atur piuning indik keadaan jinah krama tur sampun kasumkemin sekadi atur piuning.

2.       Ngewilangin pesadok Jero Mangku Ketut Widiana, indik merarian ngayah dados pemangku mejalaran antuk wicara yuse sampun lingsir tur sakit.

3.       Kecatri (kapilih) olih krama ngentosin pemangku Ketut Widiana inggih punika Gede Pasek Kaler.

4.       Indik Kelian Tempekan Pura Dewa Ayu : Gede Suparma nunasang mangda kagentosin, saking alasang ten presida ngemargiang tugas kepengurusan lantur kagentosin antuk Wayan Artana (bantenan)

Paruman Kaping enem, Buda Kliwon Sinta (Pagerwesi), tanggal 29 Desember 2004 masehi, galah:  10.00 -12.30 Wita, genah  ring   Bale Gong Sanggah Jajaran presida mutusang pebaos sekadi ring sor:

1.       Atur piuning indik jinah sampun katerima

2.       Indik mecikang pralingga samian 6 buah kacumponin prabea Rp. 1000.000,-  apasang (utawi 3 buah), indik genah mecikang kasuserah ring pengurus.

3.       Atur piuning indik peturunan Pesiwaan silagatra Rp. 100.000,- tur dados cicil, nanging usulan krama mangda saking ngeraga medaftar dados anggota ring Silagatra.

                Hasil Paruman niki kasurat antuk pengurus dadia waneng tahun 2002-2007

Kelian, Ttd Gede Sandiasa, S.Sos, M.Si

Sekretaris,                 Ttd        Gede Mangku

Bendahara, Ttd Kt Sujana	Tepekan I (Jajaran) Ttd Nym Astra	Tempekan II (Dewa Ayu) Ttd Wyn Artana	Tempekan III (Paibon) Ttd Kt Pasek Nadi	Tempekan IV         (Kawitan)              Ttd   Kadek Sumajati